යේසුස් ස්වාමීන් මාගේ එඬේරාවේ

CHORUS:
යේසුස් ස්වාමීන් මාගේ එඬේරාවේ
මා හට කිසි හිඟයක් නැතේ
(x2)

VERSE 1:
නිල් තණ බිම්වල මා ලගින්නට
එතුමාණන් සලසා ඇතේ
නිශ්චලවූ දිය අසලින් සැමදා
එතුමන් මා ගෙන යන්නේ

VERSE 2:
මාගේ හදවත ජීවන වදනින්
එතුමන් ප‍්‍රාණවත් කළේ
දමිටුවූ මාවත්වල එතුමාගේ නාමෙන්
මා කැඳවා ගෙන යන්නේ

VERSE 3:
මිටියාවත මැදින් මා යන විටදී
මරණෙට නැත මා භිය වන්නේ
දෙවිඳුනි ඔබ මා සමඟම සිටිමින්
අත් නාරින බැව් මා දනිම්

VERSE 4:
ඔබගේ වචනයෙන් ශුද්ධ ආත්මයෙන්
සැනසිල්ල මා ලැබුවෙමි
සතුරන් ඉදිරියේ භෝජන සංග‍්‍රහයක්
හිමි මට පිළියෙළ කළේ

VERSE 5:
මාගේ හිස එතුම් අනගි වූ නෛලයෙන්
ආලේප කර ඇතේ
උතුරා යන තෙක් මාගේ දිවි
එතුම් ආශීර්වාද කළේ

VERSE 6:
සැබවින් යහපත හා කරුණාව
මාගේ දිවියේ පවතින්නේ
සමිඳුගේ ගෘහයේ සදාකල්හිම
මා ජීවත් වන්නේ