ගීතාවලිය 23:1 පවසන්නේ, "ස්වාමීන්වහන්සේ මාගේ එඬේරාය, මට හිඟයක් නොවන්නේය."

ස්වාමීන්වහන්සේ ඔබගේ එඬේරා සහ ඔබගේ හොඳම මිත්‍රයා වන විට, ඔබට සෑම විටම ඕනෑවටත් වඩා වැඩියෙන් තිබෙනු ඇත. උන්වහන්සේ නිතරම ඔබ වෙනුවෙන් සිටින නිසා උන්වහන්සේ ඔබව පෝෂණය කරමින්, ඔබට මඟ පෙන්වා, ඔබව ආරක්ෂා කරයි.

යේසුස්වහන්සේ, සියලුම ඇදහිලිවන්තයන් සමඟ ලේ ගිවිසුමක් ඇති කළසේක. 

අප ගිවිසුමේ සෙනඟ වන බැවින් උන්වහන්සේ අපව ආරක්ෂා කරන්නට පොරොන්දු වී ඇත. 

එබැවින් අපි “ස්වාමිනි, මෙම ගිවිසුමේ සෑම පොරොන්දුවක්ම අපට අයිතියි.” යැයි පවසමු.

දෙවියන්වහන්සේගේ වචනය පවසන්නේ, ස්වාමීන්වහන්සේ ඔබට සදාකාල ප්‍රේමයකින් ප්‍රේමකරන බවයි. උන්වහන්සේ ඔබව තමන්වහන්සේ වෙතට ඇදගෙන තිබෙන්නේ දයාබරකමින්ය. යෙරෙමියා 31:3

උන්වහන්සේ ඔබට බොහෝසේ ප්‍රේම කරන නිසා, කිසි කැලලක්වත් පලුද්දක්වත් නැති බැටළුපැටවෙකුගේ ලේ වැනිවූ ක්‍රිස්තුස්වහන්සේගේ අනර්ඝ ලේ  කරණකොටගෙන ඔබව මිල දී ගෙන ඇත. මක්නිසාද ඔබව කුණු නොවෙන්නාවූ බීජවලින්, දෙවියන්වහන්සේගේ ජීවමානවූ පවතින්නාවූ වචනයෙන් නැවත උත්පාදනය කරනු ලැබූසේක.