කිතුනුවන් ජීවත් වන්නේ දේව වචනය ප්‍රකාශ  කිරීමෙනි - මනූ මැතානි
September 10, 2023 Sunday Sermon Notes

ආදර පියාණෙනී, ඔබවහන්සේ මාව නව මැවිල්ලක් කළ නිසා ඔබවහන්සේට ස්තූති වේවා! ස්වාමිනී ඔබවහන්සේගේ අනර්ඝ ලෙයින් මාව ශුද්ධ පවිත‍්‍ර කරමින් දේව දරුවෙක් කළ බව මම විශ්වාස කරන්නෙමි. ඔබවහන්සේගේ මහත්වූ බලයෙන් මාව පුරවා, මාව දේව පුත‍්‍රයෙක් කළ බව මම විශ්වාස කරමි. මා තුළ වාසය කරන තැනැන්වහන්සේ ලෝකයේ සිටින තැනැත්තාට වඩා බලවන්තයි. මේ ශරීරය දෙවියන්වහන්සේගේ මාළිගාවයි. මේ ශරීරය තුළින් ඔබවහන්සේ ක‍්‍රියා කරමින් ඔබවහන්සේගේ මහිමය සඳහා මේ ශරීරය පාවිච්චි කළ මැනව. ස්තූතියි ස්වාමිනී, ඔබවහන්සේට ගෞරවය වේවා! මහිමය වේවා! ක‍්‍රිස්තුස් යේසුස්වහන්සේ තුළින් නැතිනම් මාව බලවත් කරන තැනැන්වහන්සේ තුළින් මට සියල්ල කළ හැකියි, ඔව්, මට සියල්ල කළ හැකියි. මගේ ආත්මික දෙනෙත් ඔබවහන්සේ විවර කර තිබෙන බව මම විශ්වාස කරමි. ස්තූතියි ස්වාමිනී, ඔබවහන්සේගේ කැමැත්ත අනුව ජීවත්වෙන්නට මම තීරණය කරන්නෙමි, යේසුස්වහන්සේගේ නාමයෙන්.

අපි දේව වචනය ප්‍රකාශ කිරීමෙන් ආත්මික ව්‍යායාම් දිනපතා කරමු.

අපගේ වචන ප්‍රවේසම් කරමින් ජීවත් වෙමු.

අපි දේව වචනය සමඟ කාලය ගත කරමින් ජීවත් වෙන්නට තෝරා ගනිමු.

දෙවියන්වහන්සේ සමඟ සම්බන්ධකමක් ගොඩනඟා ගෙන අපි ජීවත් වෙමු.

මගේ මුවෙන් පිට විය යුත්තේ මට හැඟෙන දේවත්, මට පෙනෙන දේ වත් නොව, දෙවියන්වහන්සේගේ ශුද්ධ වචනයයි.

මන්ද ඒ වචනය කවදාවත් හිස්ව හැරී නොඑන නිසාවෙනි.

යෙසායා 55:10-11
10 එලෙස වැස්ස සහ හිම අහසෙන් බැස පොළොව පොඟවා සශ්‍රීකකර, ඵල හටගන්වා, වපුරන්නාට බීජද කන්නාට කෑමද දෙන තුරු එහි හැරී නොයන්නාක්මෙන්, 11 මාගේ මුඛයෙන් නික්මෙන මාගේ වචනයත් මා වෙතට හිස්ව හැරී නෑවිත්, මා කැමැති දෙය සිදුකොට, මා නියමකළ කාරණය සඵලකරනවා ඇත.

ඒ වචන අපි ප‍්‍රකාශ කරද්දී ඒ ප‍්‍රතිඵලයම අපටත් ලබා ගත හැකියි.

අපට විරුද්ධව යක්ෂයා ගෙන එන ඕනෑම පීඩාවක් හමුවේ වුවද අපට ජය ඇත්තේ දේව වචනය නිසාය.

එය මට පමණක් නොව අන් අයටත් ආශීර්වාදයක් විය හැකි බැවින් නිතරම ජීවනයේ දේව වචනය කථා කරමින් ජීවත් වෙන්න තීරණය කර ගනිමු.

ලෝකයේ ආරංචි කතා කිරීමෙන් නොව දිව්‍යමය පොරොන්දු දිනපතා ප‍්‍රකාශ කරන විට ඔබ ශක්තිමත් වන්නේය.

ඔබ ශක්තිමත් වෙන්නේ ඔබ කතා කරන වචන වලිනි.

ශාරීරික ව්‍යායාම් කිරීමෙන් ප්‍රයෝජන ටිකය.

1 තිමෝති 4:8
මක්නිසාද ශාරීරික ව්‍යායාමයෙන් ප්‍රයෝජන ටිකය; නුමුත් භක්තිවන්තකමට දැන් තිබෙන ජීවිතය ගැනත් මතු ජීවිතය ගැනත් පොරොන්දු තිබෙන බැවින් එය හැම දේටම ප්‍රයෝජනවත්ය.

භක්තිවන්තකමෙන් ජීවත් වීම අපට ප්‍රයෝජනවත් වන ආකාරයටම අපගේ වචන වලින් හා අපගේ ක්‍රියා වලින් සත්‍යතාවයේ වචන වලින්ද ජයගනිමු.

සමහර මනුෂ්‍යයන් තමන්ගේ වචන වලින් අන් අයව භය කරමික් ඔවුන්ගෙන් ජය ගැනීමට උත්සාහ දරයි, නමුත් අපි සත්‍යතාවයේ වචනය කථා කරමින් යක්ෂයාව පලවා හරිමු.

දේව වචනයෙන් අපේ සහෝදරයන්ව ධෛර්යයමත් කරමු.

දේව වචනය දෙමුවහත් කඩුවක් හා සමානයි, ඒවා ජීවමානයි. අපිට ඒ බලවත් වචන කතා කිරීමෙන් යක්ෂයාගේ ඕනෑම ක්‍රියාවක් විනාශ කළ හැකියි.

අපගේ මුඛයෙන් දේව වචනය කතා කතා කරන විට අපි කතා කරනු ලබන්නේ දෙවියන්වහන්සේ වාගේමය.

හෙබ්‍රෙව් 4:12
මක්නිසාද දෙවියන්වහන්සේගේ වචනය ජීවමානය, බලවත්ය, කොයිම දෙමුහත් කඩුවකටවත් වඩා තියුණුය, ප්‍රාණය හා ආත්මයද සන්ධි හා ඇටමිදුළුද වෙන්කරන තරමට කාවදින්නේය, සිතේ සිතිවිලිද අදහස්ද විමසන්නේය.

ඕනෑම මලානික දෙයකට ජීවනය ලබා දෙන්නේ දේව වචනයයි.

අප දේව වචනය කථා කරන විට සියලු රෝග පහ වී යයි.

දේව වචනයට වඩා බලවන්ත වෙන කිසිවක් නැත.

ඔබ දේව වචනයෙන් පිරී සිටින මනුෂ්‍යයෙක් නම්, දෙවියන්වහන්සේගේ වචනයේ බලයෙන් ඔබට ඔබ වෙතට එන මනුෂ්‍යයන්ගේ අදහස්, චේතනා දැනගත හැකි වන්නේය.

යක්ෂයා දේව වචනයට භය වී සිටියි.

රෝම 13:14
නුමුත් තෘෂ්ණා පූර්ණකරන පිණිස මාංසයට ඉඩනොදී, ස්වාමිවූ යේසුස් ක්‍රිස්තුස්වහන්සේගේ පැළඳගන්න.

අප මාංශයේ තෘෂ්ණාවට යට නොවී යේසුස්වහන්සේ පැළඳ ගන්නේ නම් යක්ෂයා අපව දකින විට අප තුළින් යේසුස්වහන්සේව දකිනු ඇත.

අප යේසුස්වහන්සේ වාගේ ක‍්‍රියා කරන විට යක්ෂයාට අපට විරුද්ධව නැඟී සිටිය නොහැක.

අපගේ දිවේ වචන වලින් අපගේ මනසේ බලකොටු මෙන් තිබෙන සෑම සිතුවිලි විනාශ කළ හැකියි.

ඔබට සිතුවිල්ලකින් තවත් සිතුවිල්ලක් බිඳ හෙළා දැමිය නොහැකියි, ඔබට එය සමඟ වාද කළ හැකියි, නමුත් එය ඉවත්කර දැමිය හැක්කේ දේව වචනය තුළින් පමණි.

අපි ජීවත් වෙන්නේ අපගේ මුඛයෙන් ප්‍රකාශ කරන වචන වලිනි.
කිතුනු ජීවිතය ප‍්‍රකාශයේ ජීවිතයකි, එය අපේ ජීවිත රටාව කර ගත යුතුය.

අපගේ මනසට පැමිණෙන මරණීය සිතුවිලි වලට දේව වචනය කථා නොකිරීමෙන් අපි ඉබේම පහතට වැටී අධෛර්යමත් වන්නෙමු.

නිවෙස්වල ප්‍රශ්න කරදර ඇතිවෙන්නේ අපගේ මනස තුළට යක්ෂයා ඇතුල් කරන සිතුවිලි වලිනි.

නමුත් අප දේව වචනයේ සත්‍යය එකිනෙකා කෙරෙහි කතා කිරීමෙන් ඒවා ජය ගත හැකියි.

2 කොරින්ති 10:3
මක්නිසාද අපි මාංසයෙහි හැසිරෙන නුමුත් මාංසයේ හැටියට යුද්ධ නොකරමුව.

අපගේ යුද්ධය තිබෙන්නේ මනස තුළ, ආත්මික තලයේ. ඒ නොපෙනෙන තලයේ මාංසික තලයේ යක්ෂාකාර සිතුවිලි වලින් අපට ජය තිබෙන්නේ දේව වචනය කතා කිරීමෙනි.

ඔබ දන්න සත්‍යය කෙරෙහි සිත යොමු කරමින් සිටින්න.

මාංශයේ ගමන් කරන, මාංශාකාර මනුෂ්‍යයන්ගේ වචන වලට විරුද්ධව අපි නැඟී සිටිමු.

දේව වචනයට විරුද්ධ දේවල් පිළි නොගෙන ඒවායින් ඉවත් වෙමු.

දේශනාකාරයා 1:9 පවසන්නේ
….. මෙසේ ඉර යට අමුතු දෙයක් නැත.

ඒ නිසා යමෙක් කීවොත් ඔහුට අලුත් එළිදරව්වක් තිබෙනවා කියා, ඔබ විශ්වාස කරන්න එපා.

වාද විවාද පරාජය කරන්න ඔබ තුළ තිබෙන එළිදරව් වාක්‍යයට හැකියි.

එබැවින් ඔබ එළිදරව් වාක්‍යය ප‍්‍රකාශ කරමින් එය තුළ ජීවත් විය යුතුය.

දෙවියන්වහන්සේ අපට භයාදුකමේ ආත්මයක් දී නැත, උන්වහන්සේ අපට හික්මවීමේ මනසක් දී ඇත.

ඔබ ශුද්ධවන්තයෙක් නිසා ඔබ කථා කරන වචන, ඔබේ සිතුවිලි හා ක‍්‍රියාවන් ශුද්ධය.

2 කොරින්ති 10:4
(මක්නිසාද අපේ යුද්ධායුධ මාංසික නොවේය, එහෙත් ඒවා බලකොටු බිඳහෙළීමට දෙවියන්වහන්සේ ඉදිරිපිට බලසම්පන්නය.)

දෙවියන්වහන්සේ ආත්මයක්, අපි මාංශයෙන් දුර්වල නමුත් ඒ ආත්මය තුළින්, ආත්මික තලයේ අප බලවන්තයි.

ඔබ දුර්වලයි කියා හැඟෙන විට "මම ශක්තිමත්" යයි පවසන්න.

යෝවෙල් 3:10
නුඹලාගේ හීවැල්වලින් කඩුද නුඹලාගේ දෑකැතිවලින් හෙල්ලද තළාගන්න. මම බලවන්තයෙක්මියි බෙලහීනයා කියාවා.

ඔබේ ශරීරයට, මනසට දැනෙන දෙයට වඩා හාත්පසින්ම වෙනස් දේ ඔබ පැවසීමෙන් ඔබේ දුර්වලකමින් නිදහස් විය හැකියි.

පිලිප්පි 4:13
මා බලවත්කරන්නාවූ තැනැන්වහන්සේ තුළ මට සියලුදේ කරන්ට පුළුවන.

ඔබට රෝගය දැනෙන්නට පුළුවන්, නමුත් රෝගයට වඩා ඔබ තුළ තිබෙන දෙවියන්වහන්සේගේ සුවය බලවන්තයි.

ඔබේ එළිදරව් වාක්‍යය තුළින් යක්ෂයා භය වේ.

නමුත් ඔබ දුර්වලකමෙන් කථා කිරීමට පවා සවියක් නොමැතිව සිටින විට යක්ෂයා ජය ගන්නවා ඇත.

යේසුස්වහන්සේව නැවත නැගිටෙව්ව එම ආත්මය මා තුළයි.

ඔබ ආත්මික මනුෂ්‍යයෙක්ය.

එමනිසා මගේ මරණීය ශරීරය දිනපතා ප‍්‍රාණවත් වන බව මම විශ්වාස කරමි.

එපීස 1:4
ලෝකය මැවීමට ප්‍රථමයෙන් ක්‍රිස්තුස්වහන්සේ තුළ අප තෝරාගත් ලෙසම, උන්වහන්සේ තුළ ස්වර්ගීය ස්ථානවල සියලු ආත්මික ආශීර්වාදවලින් උන්වහන්සේ අපට ආශීර්වාද කළසේක.

අප ආත්මික පුද්ගලයන් නිසා ආත්මික තලයේ දේවල් අපට ජය ගත හැකියි.

දෙවියන්වහන්සේ අපට සඵල වීමට බලය, හැකියාව දී ඇත.

එමනිසා ආත්මික තලයේ උසස් මට්ටමේ සිටීමට අපට හැකිය,

නමුත් අප මාංශයෙන් දුර්වල නිසා යක්ෂයාට අවශ්‍ය වන්නේ මාංශයේ මට්ටමට අපව ගෙන ඒමටය.

ඔබ මාංශයේ මට්ටමේ දේව දරුවෙක් නොවේ, ඔබ දෙවියන්වහන්සේගේ පුත‍්‍රයෙක්ය.

උන්වහන්සේ අප සමඟ, අප තුළ සිටින අතර කිසිවිටක අපගෙන් ඉවත්ව නොයයි.

පරාජය ඔබගෙන් පිටස්තරව තිබිය හැකිය, නමුත් ඔබ නිතරම ජයගන්නා කෙනෙකුය.

1 යොහන් 5:4‭-‬5
මක්නිසාද දෙවියන්වහන්සේගෙන් උපන් යමක් ඇද්ද එය ලෝකයෙන් ජයගන්නේය. ලෝකයෙන් ජයගෙන තිබෙන්නේ අපේ ඇදහිල්ලය.
5 යේසුස්වහන්සේ දෙවියන්වහන්සේගේ පුත්‍රයා බව විශ්වාසකරන තැනැත්තා මිස ලෝකයෙන් ජයගන්නේ වෙන කවුද?

ඔබ නැවත ඉපදී සිටින්නේ නම් ලෝකයෙන් ජයගත් කෙනෙකුය. එනම් මාංශයෙන්, යක්ෂයාගෙන් සහ ලෝකයේ තිබෙන ප‍්‍රතිපත්ති වලින් ඔබ ජය ගත් කෙනෙකුය.

අපගේ ඇදහිල්ලෙන් ලෝකයෙන් ජය ගෙන සිටියි.

ලෝකයාගෙන් ජයගන්නේ වෙන කවුද? යේසුස්වහන්සේ දෙවියන්වහන්සේගේ පුත්‍රයා බව විශ්වාසකරන තැනැත්තාය.

දෙවියන්වහන්සේගෙන් උපත ලබා සිටින අය ජයග්‍රාහිකයන්ය.

උත්පත්ති 1:26
තවද දෙවියන්වහන්සේ: අපගේ ස්වරූපයෙන් අපගේ සමානත්වය ලෙස මනුෂ්‍යයා සාදම්හ; ඔව්හු මුහුදේ මත්ස්‍යයන් කෙරෙහිද ආකාශයෙහි පක්ෂීන් කෙරෙහිද තිරිසනුන් කෙරෙහිද මුළු පොළොව කෙරෙහිද පොළොව පිට බඩගා යන සියල්ලන් කෙරෙහිද ආණ්ඩුකෙරෙත්වයි කීසේක.

යක්ෂයා සොරෙකි, විනාශකයෙකි. යේසුස්වහන්සේ ඔහුගේ හිස කුරුසියේ දී පරාජය කළසේක.

ඔබගේ පාද යට සිටින කෙනෙකුට ඔබ බිය විය යුතු නැත, ගරු කළ යුතු නැත.

ඔබ වෙහෙසව, බර උසුලන අයෙක්ව සිටින්නේ නම් යේසුස්වහන්සේ වෙතට එන පිණිස උන්වහන්සේ ඔබට ආරාධනා කළ සේක.
(මතෙව් 11:28)

ඔබේ නාමය පරාජය නම් උන්වහන්සේ ඔබේ නාමය ජයග‍්‍රාහකයෙකු ලෙසට වෙනස් කරන සේක.

උන්වහන්සේගේ දිව්‍යමය ස්වභාවය අපට දී තිබේ.

සිතුවිලි පරාද කිරීමට උතුම් බලවත් වචන අපට දී ඇති නිසා දේව වචනයට එකඟ නොවන සිතුවිලි ඔබ වචන වලින් බිඳ හෙළා දමන්න.

ඔබගේ සිතින් ඔබ ජයග‍්‍රාහකයෙකු නම් ඔබේ ක‍්‍රියා වලිනුත් ඔබ ජයග‍්‍රාහකයෙකුය.

හිතෝපදේශ 4:23
සියල්ලට වඩා ඔබගේ සිත ආරක්ෂා කර ගන්න. එයට හේතුව ජීවනය නිකුත් වෙන්නේ ඔබගේ සිත තුළින්ය.

පරාජිත සිතුවිලි ඔබගේ සිතට ඇතුළු වීමට ඉඩ නොදෙන්න.

ඔබට ඔබගේ සිත පාලනය කරගත නොහැකි නම් ඔබේ ජීවිතයද ඔබට කොහෙත්ම පාලනය කර ගත නොහැකිය.

පරාජිත මානසිකත්වය නිසා පරාජිත සිතුවිලි ඔබේ මුඛයෙන් නික්මෙයි.

මතෙව් 12:34
පොළොං වංශය, නපුරුව සිටින නුඹලා යහපත් දේ කෙසේ කියවුද? මක්නිසාද සිතේ පූර්ණකමෙන් මුඛය කථාකරයි.

ඔබගේ සිතේ පුරවා තිබෙන්නේ මොනවාද? අනවශ්‍ය දේ වලින් අපේ සිත පුරවා නොගෙන සිත ආරක්ෂා කර ගැනීම පිණිස සෑම උදෑසනක් පාසාම අවදිව සිටිය යුතුය.

මගේ ගැළවීම ආරක්ෂා කර ගැනීම සඳහා දෙවියන්වහන්සේ මට ගැළවීමේ හිස්වැස්මක් දී තිබෙනවා.

1 කොරින්ති 2:16
මක්නිසාද ස්වාමීන්වහන්සේට උගන්වන පිණිස උන්වහන්සේගේ සිත දැනගත්තේ කවුද? නුමුත් අපට ක්‍රිස්තුස්වහන්සේගේ සිත ඇත්තේය.

ක්‍රිස්තුස්වහන්සේගේ මනස මට දී තිබෙනවා.

උන්වහන්සේ සිතන්නේ හරි දේවල්. මනුෂ්‍යයන් ගළවා ගන්නටයි.

උන්වහන්සේගේ සිතේ තිබෙන්නේ අපව ආරක්ෂා කරන්නේ කෙසේද කියාය.

ක‍්‍රිස්තුස්වහන්සේගේ මනස අපට දී ඇති නිසා අපි උන්වහන්සේ සිතන ආකාරයටම සිතමු.

උන්වහන්සේගේ වචනය අපේ සිතේ නිධාන කර ගනිමු.

යක්ෂයාගේ කෲර, කපටි ක‍්‍රියාවන් වලට උන්වහන්සේ ස්වර්ගයේ සිංහාසනයේ වාඩි වී සිටිමින් සිනහා සෙමින් සිටියි.

ගීතාවලිය 2:1
මනුෂ්‍ය ජාතීහු කුමට කෝලාහල කෙරෙද්ද? මනුෂ්‍ය වර්ගයෝ කුමට නිෂ්ඵල දෙයක් යෝජනා කෙරෙද්ද?

අන්‍ය ජාතීන් සභාව සහ උන්වහන්සේගේ සෙනඟ විනාශ කරන්නට සැලසුම් කළද දෙවියන්වහන්සේ ඒ සියල්ලම බලමින් සිනහාසෙමින් සිටියි.

ගීතාවලිය 2:2
ස්වාමීන්ටද උන්වහන්සේගේ අභිෂේකලත් තැනැත්තාණන්ටද විරුද්ධව පොළොවේ රජවරු සැරසෙති, අධිපතියෝද එක්ව මන්ත්‍රණයකෙරෙති.

දෙවියන්වහන්සේගේ මනුෂ්‍යයන්ව පහතට හෙළා දැමීම පිණිස නීතිරීති සම්පාදනය කිරීමට යක්ෂයා මනුෂ්‍යයන්ව මෙහෙයවමින් සිටියි.

ගීතාවලිය 2:3
අපි ඔවුන්ගේ බැමි කඩා දමා, ඔවුන්ගේ ලණු අප කෙරෙන් ඉවතලමුයයි කියති.

අපගේ නිර්භීතකම කඩා දැමීමට, ඇදහිල්ලේ ප‍්‍රකාශණයක් කළ නොහැකි මට්ටමට අප පත් කරන පිණිස, යක්ෂයා අපට පරාජිත සිතුවිලි ගෙන එනු ඇත.

ගීතාවලිය 2:4
ස්වර්ගයෙහි හිඳින තැනන්වහන්සේ සිනාසෙනසේක. ස්වාමීන්වහන්සේ ඔවුන්ට පරිහාසකරනසේක.

ඔබට සිනාසිය නොහැකි තත්වයකට ලෝකයා ඔබව පත් කර ඇත

ලෝකයාගේ අදහස් දෙවියන්වහන්සේගේ ඉදිරියේ මෝඩකමක්ය.

1 කොරින්ති 1:18
මක්නිසාද කුරුසියේ වචනය විනාශවන්නන්ට මෝඩකමය; නුමුත් ගැළවෙන්නාවූ අපට ඒක දෙවියන්වහන්සේගේ බලයය.

ලෝකයා කතා කරන දේවල් වලට ඔබ එකඟ නොවන්න.

ඔබට තිබෙන්නේ දෙවියන්වහන්සේගේ බලයයි.

කුරුසියේ පණිවිඩය ඔබට බලයයි.

රෝම 1:16
මක්නිසාද මම ශුභාරංචිය ගැන ලජ්ජා නොවෙමි. අදහන්නාවූ සියල්ලන්ටම, එනම් පළමුකොට යුදෙව්වාටද එසේම ග්‍රීකයාටද, ගැළවීම පිණිස එය දෙවියන්වහන්සේගේ බලයව තිබෙන නිසාය.

ශුභාරංචිය අපගේ මිදීම, සුවය හා සම්පූර්ණකම සඳහා දෙවියන්වහන්සේගේ බලයයි.

දෙවියන්වහන්සේ සෑම දිනකදීම උදය හා සවස කපුටෙක් ලවා සහ ශාරපෙත්හි වැන්දඹුව තුළින් එළියාට කෑම සැපයූ සේක.
(1 රාජාවලිය 17:1-16)

උන්වහන්සේට ඕනෑම ක‍්‍රමයකින් ඔබට සැපයිය හැක.

දෙවියන්වහන්සේගේ සැපයීම අශුද්ධ මනුෂ්‍යයන් තුළින් පවා ඔබ වෙනුවෙන් සපයා දෙයි, ඔවුන් රැස් කරන්නේ දෙවියන්වහන්සේගේ මනුෂ්‍යයන් සඳහා විය හැකිය.

හිතෝපදේශ 13:22
සත්පුරුෂයා තමාගේ දරුවන්ගේ දරුවන්ට උරුමයක් තබා යයි; පාපිෂ්ඨයාගේ වස්තුව ධර්මිෂ්ඨයන්ට තැන්පත්කොට තබා තිබේ.

අපගේ ආශීර්වාදය උන්වහන්සේ කෙරෙන් පැමිණෙන බැවින් එය කිසිවෙකුට නැවත්වියය නොහැකියි.

2 කොරින්ති 10:4
(මක්නිසාද අපේ යුද්ධායුධ මාංසික නොවේය, එහෙත් ඒවා බලකොටු බිඳහෙළීමට දෙවියන්වහන්සේ ඉදිරිපිට බලසම්පන්නය.)

භයේ, රෝගයේ, දිළිඳුකම, යක්ෂයාට ඇති භය, අසමර්ථකමේ බලකොටු දේව වචනය තුළින් බිඳ හෙළා දමන්න.

යෙරෙමියා 23:29
මාගේ වචනය ගින්නක් මෙන්ද පර්වතය පොඩිකරන කුළුගෙඩියක් මෙන්ද නොවේදැයි ස්වාමීන්වහන්සේ කියනසේක.

බලකොටු සාදනු ලබන්නේ පර්වතය මතයි.

දේව වචනය, ගීතිකා නැවත නැවතත් අසමින් ඔබගේ මනසේ තිබෙන බලකොටු බිඳ හෙළා දමන්න.

බලකොටුව කැඩෙන තුරු දේව වචනය විශ්වාස කළ යුතුය.

2 කොරින්ති 10:5
අපි විවාදයන්ද දෙවියන්වහන්සේ ගැන දැනගැනීමට විරුද්ධව උසස්වන්නාවූ සියලු උසස් දේවල්ද බිඳහෙළා, සියලු සිතිවිලි ක්‍රිස්තුස්වහන්සේට කීකරුවීමට වහල්කරදෙමුව.

භයානක සිතුවිලි මිසෛල මෙන් ඔබගේ මනසට පැමිණෙන්නට පුලුවන, නමුත් ඔබ ඇදහිල්ලේ පලිහ ගෙන දේව වචනය තුළින් ඒවා බිඳ දමන්න.

ක‍්‍රිස්තුස්වහන්සේ අපේ ජීවිතයේ යමක් කළ සේක්ද එය සම්පූර්ණයි.
උන්වහන්සේ අපට දුන් සුවය තාවකාලික වේදනා නාශකයක් නොවේ, පිළිකාවක් මුල් වලින්ම උදුරා දමන්නා සේ සම්පූර්ණයෙන්ම අපව ඒ රෝගයෙන් නිදහස් කර ඇත.

යේසුස්වහන්සේ පැවසුවේ ඔබ ඇඹිල්ල ගසට කථා කරන්න, එය මුල් වලින්ම ඉදිරී යනු ඇත.
(ලූක් 17:6)

දෙවියන්වහන්සේගේ වචනයෙන් මනසේ තිබුණු බලකොටු බිඳ හෙලා අපව සෑම ආකාරයකින්ම සම්පූර්ණයෙන්ම නිදහස් කර ඇත.

Watch the Sermon Video