දෙවියන්වහන්සේ පවසන්නේ, මාගේ සෙනඟ දැනගැන්ම නැතිකමෙන් නාස්තිවී සිටිති: ඔබ දැනගැන්ම එපා කළ නිසා මට පූජකකම් කිරීමෙන් මමත් ඔබ එපා කරන්නෙමි: හොෂෙයා 4:6. 

මෙම පදයේ, විනාශයට මූලිකවූ හේතුව දෙවියන්වහන්සේ එළිදරව් කරනසේක: මාගේ සෙනඟ දැනගැන්ම නැතිකමින් නාස්ති වී සිටිති.

මේ වසර බොහෝ අභියෝග රැසකින් පිරුණු  වසරක් වෙන්ට යන්නේය.

අභියෝගයක් ගැන සිතන විට අප සැමවිට සිතෙන්නේ, "අනේ දෙවියනේ නැවත වාරයක් තවත් අභියෝගයක්" කියාය. ඒකට හේතුව ඔබ  පරාජිත මානසිකත්වයෙන් සිටීමයි; ජයග‍්‍රාහික මානසිකත්වයෙන් නොසිටීමයි.

දැන් එක් නිවසක් කඩා වැටෙන්ටත් අනෙක් නිවස ශක්තිමත්ව සිටින්ටත් නැතහොත් එක් මනුෂ්‍යයෙකු විනාශවෙන්නටත්, ජලගැල්ම ඔහුට පමණක් විනාශකාරී වන්නටත් හේතු වූයේ කුමක්ද කියා අපි බලමු. 

දෙදෙනාගේම ජීවිතවලට පැමිණියේ එකම ජලගැල්ම, එකම කුණාටුව, සහ එකම සැඩපහරකි.